غرورك
شعر موسى الخليفي
إلقاء المذيع القطري عبدالعزيز محمد
خفف غرورك من غرورك تحطمت
وإجعل ضميرك يعطي الحكم بقياس
وضح شعورك لا تعيش بهوى الصمت
مهدوم حبك إللي تعلى بلا ساس
يامن تحديت المحبه وعلمت
لا تهدم المبنى ترى العقل نبراس
المشكله من صمت قلبي تألمت
وأنا وقلبي نخفي إحساس بحساس
إن قلت لك سلم علينا توهمت
إنك على ما قال ماسٍ على ماس
وإن قلت لك هذي الأحاسيس ساهمت
في مسحها من صفحه القلب والراس
من نشوه الوجدان كابرت وأسلمت
وأدعيت روحك في موازين وسواس
الشوق لي منه صغر وإنتهى صمت
عن القرار إللي ينادي به الناس
معنى كلامي إنك إنته تعلمت
إمن السنين الماضيه حسره الياس
كانك تقول راجعت عقلك وثمنت
خفف غرورك لا تحول للإفلاس