كسوفك

شعر موسى الخليفي

إلقاء المذيع القطري عبدالعزيز محمد

يرتجف إحساس قلبي يوم أشوفك

وأنـتـظـر لـحظه..وأستسلم وأروح

وأتـخيّل نظـرتـك وإحساس خـوفـك

نـظـره الـولـهـان .. والـنـظـره جروح

تعال خذني .. خبني بطيه كفوفك

تستريح العين .. وهمومـي تـروح

في حنايا الجوف..منقوشه وصوفك

وفي حنايا القلب ..رسمك لي يلوح

خلني أعيش لحظه .. في حروفك

بـيـن كلماتك وهمسك ..يا مزوح

بـيـن كـتبـك ..أتـجول فـي رفـوفك

وأتـحـول .. مـن هـضابك للسفوح

قلت لك كلمه إذا تسمح ظروفك

قلت لي أسف وبالكلمه شحوح

هذا ردك..قلته من شده كسوفك

لا تـخـاف اليوم لك قلبي سموح