|
|
|
2-Wangdei mi mama teki na embre,fu kisi watra,di a saka eng hede na ini na baki,fu kisi na watra,mi mama si syatumang,a weri weti,a habi grati wiwiri,wang langabarba,eng hai blauw. Mi mama skeki,a trowe na embre,a biging frede,a go na zodro no piki misi noti. Di neti tapu mi mama go sribi,a didong nanga baka,a tapu eng hai,ma a no beng sribi. Mi ma didong e prakseri,na sani di a si na ini na baki,di a hopo eng hai,a si na srefi mang tanapu na eng vesi,nanga wang pikinbatra na eng hanu,fu dropu na ini eng hai. Nanga na skreki nanga frede,mi mama drai eng vesi,na dropu fu na sani na ini na batra,fadong na ini mi mama yesi. |
|
|
1-Mi beng de wang pikinboi fu veifi te siksi yari mi mama go wroko na wang misi,a beng de wang tangsribi wrokope. Wang pikinhoso de na tapu na dyari,wang watra baki de na sei fu na misi hoso,tapu fu na sitongwatrabaki,wang vokanti holo de,pe yu mu kisi na watra,wang embre de na tapu na baki. Na misi taigi mi mama taki,te ai go kisi watra,a no mu meki na embre fadong nanga movo,fu meki babari,en twarfu yuru na dei,mi mama no mu go kisi watra moro,te baka wang yuru. Ma wang dei na ongoloku beng de,mi mama vergiti taki,na misi beng taki so wang sani,a no mu kisi watra twarfu yuru. |
|
|
|
|
|
. 4-Kaba na wang Kunu yu teki fu wang tra suma,so meki ai tang wang winti gi yu ini na famiri,ma na wang Kunu di no e kaba. Na syatu wetimang,nanga langabarba,nanga blauw hai,di beng de na ini na watrabaki,na wang Busunki,wang watra Apuku ; Na so na geest disi tang na so ai weri,na ini watra ai tang,na wang tranga en hebi Winti,a no e trobisuma leki deng tra Winti,bikasi na deng bigisipi gogo ai tang moro furu. Eng dringi na Champagne,nanga dati ai wasi tu. Ala deng wetibuba suma,e wroko nanga na watra Apuku disi,fu gi deng gudu,deng no e pai paimang,solanga a no de vrudu. Na so na Kunu fu deng tang. [ so a de tu ]. xml:namespace prefix = o ns = "urn:schemas-microsoft-com:office:office" /> |
|
|
3-Na heri neti mi mama no mang sribi,fu fa na yesi e hati eng. Di dei hopo mi mama taigi na misi taki,ai go na hoso bika na heri neti eng yesi hati eng,a no sribi, so mi mama go na hoso,a verteri eng bigisma sang pasa nanga eng,so deng kong yepi mi mama,fu na leleku fu na misi,no teki eng abra fu a no mu dofu. Na fasi fa mi mama hede beng e seki fu na yesihati efu a no veni yepi a beng kang poti eng te na kolera. Na so wang libisma e waka go teki hebi,nanga leleku fu trawang,di habi deng Kunu,te deng soortu sani disi teki yu abra,tamara deng baka pikin e yere taki,na wang winti fu deng Totro,Afo efu Grangmama. |
|
|
|
|
|
|
|
